Elaboracións tradicionais, con esmeradas presentacións, visten de gala as nosas receitas preparadas ao momento. Receitas tradicionais, onde o produto luce sen tapuzos nunha preparación completamente artesanal.
O noso equipo selecciona cada día segundo o produto recibido cales son as receitas que permitirán enxalzar máis o seu sabor. Así cada peixe ten máis de cinco maneiras diferentes de ser levado á mesa, desde a tradicional receita á galega, pasando por pilpil, brasa, forno, prancha ou estufados.
Os entrantes recuperan moitas das clásicas receitas da cociña francesa adaptada aos pazos e casas fortes galegas e escritas maxistralmente por Picadillo.
Escabeches, timbais e ensaladas son a combinación das nosas mellores conservas e de unha excelente horta.
Un eficiente control dos tempos pon en mesa os mariscos no seu punto exacto de degustación e as nosas excelentes carnes son tratadas con mimo e cariño nos nosos fogóns para levar inalterada á mesa toda a súa condición.
Sen esquecer as sobremesas, tradicionais, sinxelas e variadas, óptimas para poñer un broche doce a tan excelente menú.