El Pasaje, un emblemático restaurante de Santiago de Compostela, atópase á entrada da rúa do Franco, nun edificio de comezos do século XX.
Os peregrinos franceses chegaban a Compostela e atravesaban a Porta Faxeira coa mirada posta na Catedral, ao final do Camiño. Tabernas e tascas agardaban por eles a cada lado da rúa que co tempo adquiriu o nome dos seus principais visitantes. A rúa do Franco recolle esa herdanza e ten no noso restaurante un baluarte da hospitalidade e o bo servizo.
El Pasaje ofrece ao cliente a posibilidade de gozar dos mellores produtos en amplos e reservados comedores, onde o tempo vai ao ritmo do comensal. Un equipo profesional en sala e cociña crean para o visitante unha experiencia única, tanto para unha xuntanza de traballo como para unha celebración especial.